A biblioteca do centro incrementou os seus fondos cunha gran variedade de material en galego. Para ir abrindo boca deixámosvos unha mostra dalgúns exemplares xa dispoñibles, ademais doutros moitos que podedes consultar ou levar en préstamo. Desexámosvos unha feliz lectura!

Libros en galego EDLG

Conservapalabras

O equipo de dinamización da lingua galega promove a actividade conservapalabras

No panel situado na entrada do instituto está a nabiza Lupa, esperando colleitar palabras en galego que teñen risco de perderse.

Para axudala, podedes coller unha cartolina, escribir nela a palabra que queirades conservar, poñer ao lado unha frase que oriente sobre o seu uso e picala no panel habilitado. 

Lembrade algúns consellos:

• A palabra ten que ser en idioma galego
• Con tendencia a desuso
• A ti gustaríache que non se perdese.

Animádevos a colaborar!

Galería de imaxes da actividade

Dende o Equipo de Dinamización da Lingua Galega, xorde a iniciativa de dedicar unha das aulas do CIFP Ánxel Casal – Monte Alto ao poeta de Outeiro de Rei, Manuel María, que participou en actividades poéticas neste centro.

A aula escollida foi a 104, na planta baixa do edificio.

Este espazo xa foi renomeado e dende hoxe pódese ver a placa que lle dá nome e unha nota sobre a súa biografía, así como unha imaxe e unha frase do autor.

O EDLG estivo preparando dúas exposicións das que podedes gozar nos corredores do centro. Unha sobre Luis Davila e outra sobre Carlos Casares, para ir abrindo boca deixámosvos estas fotiños:

Imaxes exposición