INICIAR SESIÓN

Emprendemento - Inicio

Dende a Coordinación de Emprendemento do CIFP Ánxel Casal- Monte Alto queremos darvos a benvida a este espazo que nace co espirito de fomentar o emprendemento entre o noso alumnado.

Neste canle de comunicación iremos informando de todo o relacionado con emprendemento:

Actividades que se desenvolvan no centro

Ligazóns a información e ferramentas de xestión empresarial

Novidades en materia de lexislación que afecte ao autoemprego

Axudas e subvencións para a creación de empresas

… En definitiva, queremos crear un espazo para difundir e promocionar a cultura emprendedora, onde apoiar e asesorar a todos aqueles alumnos que opten polo autoemprego como vía de incorporación ao mercado laboral.

Por iso, dende aquí queremos animar a todos aqueles que teñan unha idea de negocio a levala á práctica.

CURSO DE MÁRKETING DIXITAL

Achégovos información do curso sobre MARKETING DIXITAL que dará inicio o vindeiro luns 3 de febreiro na Cámara de Comercio da Coruña.

EXCLUSIVO PARA OS QUE ESTEAN REXISTRADOS/AS NO SISTEMA DE GARANTÍA XUVENIL (MENORES DE 30 ANOS - DESEMPREGADOS)

Vai dirixido a persoas interesadas en optimizar e especializarse en competencias do márketing dixital e o aproveitamento efectivo das redes sociais e a web 2.0, permitíndolles incrementar a súa calidade profesional e mellorar a súa empregabilidade.

A duración do curso é de 6 semanas, sendo as clases presenciais luns e xoves de 18.30 a 21.30 horas e unha hora de titoría individual á semana segundo a dispoñibilidade do alumno/a.

Ao finalizar reciben un diploma oficial e teñen a posibilidade de realizar horas de mentoring.

A inscrición pode realizarse a través da web de Incyde na ligazón que figura a continuación ou ampliar información e inscribirse chamándome directamente 663 06 48 06 (Lucía Rodríguez)

É totalmente gratuíto e o seu contido moi actual e interesante!

https://www.incyde.org/ficha/emprendimiento-y-marketing-digital/a-coruna/3c7781a36bcd6cf08c11a970fbe0e2a6

CERTAME COOPERATIVISMO

 

Vos comunico que no DOG núm. 5 do 9 de xaneiro de 2020 publicouse a Orde 3 de decembro de 2019 pola que se establecen as bases reguladoras do certame Cooperativismo no ensino, dirixido ao alumnado dos centros educativos de Galicia, e se procede á súa convocatoria para o ano 2020.

O certame ten por obxecto difundir e promover o cooperativismo ente o alumnado dos centros de educación infantil, primaria, secundaria obrigatoria, educación especial, formación profesional e de ensinanzas de réxime especial de Galicia, impulsando a realización de actividades de fomento do cooperativismo nos centros educativos.

Podedes consultar máis información en http://eusumo.gal/convocatoria-certame-cooperativismo-no-ensino-2020

cartel coop 2020

 

XI EDICIÓN PREMIOS MOCE

13gafas

Foto Víctor Echave de La Opinión

 

O pasado venres 29 de novembro celebrouse a XI edición dos Premios MOCE, promovidos pola Fundación Ronsel, representada polo seu presidente: D.Luis García Rodríguez, coa colaboración do BBVA, representado polo director de zona do banco no Norte de Galicia, Daniel Miguel Fernández e a Consellería de Economía, Emprego e Industria da Xunta de Galicia, representada pola Sebretaria Xeral de Emprego: dona Covadonga Toca Carús.

A celebración tivo lugar na Fundación Paideia, sita na Praza de María Pita da Coruña.

Como cada ano, os obxectivos destes premios son a promoción da iniciativa emprendedora na nosa comunidade, o apoio á posta en marcha de actividades empresariais promovidas por autónomos e o fomento da creación de microempresas. Os candidatos a este premio son todas as iniciativas emprendedoras con alta en actividade económica que no último ano participaron nalgunha das actividades realizadas pola Fundación Ronsel. Para a valoración dos proxectos terase en conta o grao de innovación, sustentabilidade, impacto local, creación de emprego e medidas de conciliación e igualdade.

Nesta edición foron 10 os proxectos finalistas, sendo os gañadores:

  • 1º premio: “Livegens” empresa de moda sostible dos irmáns Javier e Aitor Ramón, no acto presentaron dous dos seus produtos: gafas de sol de madeira de bambú e reloxos de corcho, elaborados so con materiais naturais e biodegradables, sen levar ningún tipo de plástico.

  • 2º premio: “Aleira Horta Ecolóxica”, Cynthia Arias foi premiada pola súa empresa, adicada ao cultivo ecolóxico de hortalizas.

  • 3º premio: “Fisioadvisor”, unha aplicación onde atopar a fisioterapeutas , recibíu o premio a súa creadora: Alejandra Montenegro, de Santiago de Compostela.

PROGRAMA EMPRENDE ACTÚA

O pasado 14 de novembro tivo lugar no noso centro o desenvolvemento do Programa Eduemprende Actúa.

Este programa é unha acción que se desenvolve directamente nos centros educativos e consiste en achegar a realidade emprendedora a eles coa presenza activa de persoal técnico do IGAPE e dunha/s persoa/s emprendedora/s que dean a coñecer ao alumnado a súa experiencia persoal, como ferramenta que lle permita afianzar o espírito emprendedor e a iniciativa empresarial a partir de aptitudes como a creatividade, a iniciativa, o traballo en equipo, a confianza nun mesmo e o sentido crítico.

  • Relatora do IGAPE: Fátima Rodríguez Figueiras.


    Perfil: Licenciada en Ciencias Políticas, a súa paixón sempre foi o desenvolvemento local.

    Experiencia: Empezou como técnica de emprego na administración pública, no BIC Galicia, para dedicarse logo ao sector da consultoría na empresa privada. En xaneiro de 2011 faise cargo de PROMOVE, unha empresa de consultoría e formación, con sede en Santiago de Compostela.
    Creatividade, proximidade, orientación a resultados e búsqueda de sinerxías, son os seus retos do día a día, e a perspectiva de xénero e o medio ambiente, os piares básicos do seu compromiso a nivel persoal, que son aplicados como eixos transversais en todos os proxectos de Promove.

  • Relatora emprendedora: Alba Pardo Servia

Perfil: Educadora Social, Traballadora Social, Pedagoga, Directora de Tempo Libre e Axente de Igualdade. É unha persoa creativa e dinámica á que lle encanta aportar ideas frescas e traballar arreo co seu equipo para asegurar que as cousas saian ben.

Experiencia: leva casi 20 anos traballando no sector social, en Concellos, ONG´s e diferentes asociacións. Fai 6 anos decidíu lanzarse ao reto de emprender no social e a súa empresa actúal: "INNOVA, CONSULTORÍA, FORMACIÓN Y PROYECTOS, SL" adícase á Formación non reglada, ocio educativo, extraescolares, proxetos sociais e socioeducativos. E nas súas palabras: “Desde áquella no he dejado de remar ni un solo día y aquí sigo con alguna magulladura pero nada que no pueda curarse con unas buenas dosis de entusiasmo y persistencia”.

As dúas relatoras conseguiron espertar o interese do alumnado presente no acto, que na derradeira parte do mesmo realizou moitas preguntas sobre as súas traxectorias e experiencias. Chamoulles moito a atención a explicación por parte de Alba Pardo en relación ao fracaso da súa primeira empresa, na que chegou incluso á ruina e como soubo facerlle frente á espantosa situación e como un ave fénix "rexurdir das súas cinzas", volvendo a emprender, esta vez con éxito.

IMG 2813