INICIAR SESIÓN

Emprendemento - Inicio

Dende a Coordinación de Emprendemento do CIFP Ánxel Casal- Monte Alto queremos darvos a benvida a este espazo que nace co espirito de fomentar o emprendemento entre o noso alumnado.

Neste canle de comunicación iremos informando de todo o relacionado con emprendemento:

Actividades que se desenvolvan no centro

Ligazóns a información e ferramentas de xestión empresarial

Novidades en materia de lexislación que afecte ao autoemprego

Axudas e subvencións para a creación de empresas

… En definitiva, queremos crear un espazo para difundir e promocionar a cultura emprendedora, onde apoiar e asesorar a todos aqueles alumnos que opten polo autoemprego como vía de incorporación ao mercado laboral.

Por iso, dende aquí queremos animar a todos aqueles que teñan unha idea de negocio a levala á práctica.

CONCURSO EDUEMPRENDE IDEA 2020

 

Acerca do concurso eduemprende Idea 2020, achego, por se fose do voso interese, guía sobre os pasos para a tramitación da solicitude na "oficina virtual" IGAPE.
Respecto a outras cuestións, coma a firma electrónica ou que se demanda nas distintas casillas, é recomendable picar, na páxina http://www.igape.es/es/oficina-virtual nos enlaces que podedes atopar na parte inferior.

Guía

Un saúdo

CONCURSO EDUEMPRENDE 2020

No Diario Oficial de Galicia (DOG) do 2 de xuño de 2020, publícase a convocatoria do concurso Eduemprende Idea 2020 e as bases que rexerán nesta edición.

Tedes á vosa disposición na páxina https://www.edu.xunta.gal/fp/eduemprende-idea información acerca desta convocatoria e link a outra información relacionada coa mesma.

O prazo para a presentación das solicitudes, igual que en anos anteriores, é dun mes contado a partir do día seguinte ao da publicación da resolución no DOG.

CURSO DE MÁRKETING DIXITAL

Achégovos información do curso sobre MARKETING DIXITAL que dará inicio o vindeiro luns 3 de febreiro na Cámara de Comercio da Coruña.

EXCLUSIVO PARA OS QUE ESTEAN REXISTRADOS/AS NO SISTEMA DE GARANTÍA XUVENIL (MENORES DE 30 ANOS - DESEMPREGADOS)

Vai dirixido a persoas interesadas en optimizar e especializarse en competencias do márketing dixital e o aproveitamento efectivo das redes sociais e a web 2.0, permitíndolles incrementar a súa calidade profesional e mellorar a súa empregabilidade.

A duración do curso é de 6 semanas, sendo as clases presenciais luns e xoves de 18.30 a 21.30 horas e unha hora de titoría individual á semana segundo a dispoñibilidade do alumno/a.

Ao finalizar reciben un diploma oficial e teñen a posibilidade de realizar horas de mentoring.

A inscrición pode realizarse a través da web de Incyde na ligazón que figura a continuación ou ampliar información e inscribirse chamándome directamente 663 06 48 06 (Lucía Rodríguez)

É totalmente gratuíto e o seu contido moi actual e interesante!

https://www.incyde.org/ficha/emprendimiento-y-marketing-digital/a-coruna/3c7781a36bcd6cf08c11a970fbe0e2a6

CERTAME COOPERATIVISMO

 

Vos comunico que no DOG núm. 5 do 9 de xaneiro de 2020 publicouse a Orde 3 de decembro de 2019 pola que se establecen as bases reguladoras do certame Cooperativismo no ensino, dirixido ao alumnado dos centros educativos de Galicia, e se procede á súa convocatoria para o ano 2020.

O certame ten por obxecto difundir e promover o cooperativismo ente o alumnado dos centros de educación infantil, primaria, secundaria obrigatoria, educación especial, formación profesional e de ensinanzas de réxime especial de Galicia, impulsando a realización de actividades de fomento do cooperativismo nos centros educativos.

Podedes consultar máis información en http://eusumo.gal/convocatoria-certame-cooperativismo-no-ensino-2020

cartel coop 2020