INICIAR SESIÓN

Neste mes de febreiro, a Fundación Ronsel, concedeu os premios aos gañadores do concurso "Emprende no teu barrio", que como cada ano ten como obxectivo fomentar o emprendemento na xente nova e no que participan diferentes centros educativos da cidade.

O noso alumno do CS de Laboratorio Clínico e Biomédico (réxime modular), Jesús Íñiguez del Valle, foi premiado pola súa idea emprendedora: un rocódromo e pistas de pádel nun mesmo espazo, a ubicación sería na zona dos Rosales.

O acto da entrega do premio celebrouse na oficina que a entidade Caixabank ten na rúa San Andrés da Coruña. Pola Fundación Ronsel estiveron presentes o seu director: Luis García Deber, Rafael Vázquez Cobas y César Pérez Rama. Polo CIFP Ánxel Casal-Monte Alto, xunto co alumno premiado estivo a Coordinadora de Emprendemento, Paula Díaz Carballada.

Imaxes do evento

IMG 20180205 WA0003

O noso alumnado segue participando nas actividades que a Fundación REPSOL e a Consellería de Educación organizaron co obxectivo de fomentar o espírito emprendedor na mocidade de F.P.

O pasado 15, 16 e 17 de febreiro tiveron lugar no CIFP Ánxel Casal – Monte Alto, as Xornadas de "Formación de formadores" do Programa Fundación REPSOL, neste caso as actividades ían dirixidas aos lideres dos diferentes grupos participantes, a nosa líder é a alumna de 2º de Próteses Dentais Yemby Nahydu Cutire Andrade. As charlas xa empezaran a semana anterior no IES Urbano Lugrís.

Os talleres trataron diferentes aspectos e foron impartidos polos seguintes relatores:

  • Lalo García: "Validación de modelos de negocio"
  • Marcos Paz: "Finanzas para emprendedores"
  • Roberto Pérez: "Marketing y marca"

Por outra banda, o  xoves 25 de xaneiro celebrouse un Kick off para todos os equipos  no CIFP de Someso no que desenvolvéronse as seguintes actividades:

  1. Presentación
  2. Dinámica grupal
  3. Explicación da fase de ideación ao equipo
  4. Entrega do merchan da Fundación Repsol
  5. Avance para a primeira entrega da fase de ideación
  6. Resolución de dúbidas

O noso equipo, o nº 1, estaba formado polos seguintes integrantes: Yemby Nahydu Cutire Andrade, Ana Martínez Román, alumnas de 2º do CS Próteses Dentais, André Vázquez Lama, alumnno de 2º do CS Saúde Ambiental, Zeus Díaz Abelaira, alumno de 2º do CS de Laboratorio Clínico e Biomédico e a Coordinadora de emprendemento e profesora de EIE: Paula Díaz Carballada. A súa idea emprendedora aúna as súas diferentes especialidades

Os diferentes equipos contaron co asesoramento dos "Seniors", que contan cunha dilatada experiencia profesional e empresarial, como empresarios e executivos e que aconsellan e asesoran a emprendedores.

Imaxes das xornadas

O pasado mércores, 24 de xaneiro, celebrouse no CIFP Someso a inauguración do programa Lanzadeiras Coruña 2017/2018. O programa organizado pola Consellería de Cultura, Educación e Ordenación Universitaria e a Fundación Alcoa inicia a súa 5ª edición

Este proxecto pretende fomentar a educación emprendedora a través da creación de miniempresas e outras propostas didácticas que impliquen a colaboración dos equipos docentes, a dinamización da comunidade educativa e a conexión co entorno, todo isto potenciando as capacidades profesionais e persoais do alumnado.

A inauguración contou coa presencia do Director Xeral de Educación, Formación Profesional e Innovación Educativa, a subdirectora xeral de Formación Profesional, o director de desenvolvemento de La Opinión e o director da fábrica de Alcoa da Coruña.

O noso centro participa por segunda vez, o curso pasado foi co alumnado do CS Audioloxía Protésica (familia de Sanidade) e este curso co 2º curso do ciclo superior de Animación Sociocultural e Turística; están a levar a cabo o proxecto “Senlleiras Animación, S. Coop.” que consiste no deseño e posta en marcha dunha Sociedade Cooperativa que, a través dunha Web App accesible e intuitiva, oferte unha ampla gama de servizos socioeducativos, recreativos e promocionais customizables. A aplicación presentarase en galego e lingua de signos española, con opción de tradución en castelán e inglés.

Tamén participan os seguintes centros: CIFP Someso, CIFP Paseo das Pontes, IES Universidad Laboral e IES Isaac Díaz Pardo

miniempresas coruna

 Xa chegou o novo curso 2017/2018 e con el, a Coordinación de Emprendemento do CIFP Ánxel Casal-Monte Alto, que dende o seu blog segue a fomentar o emprendemento entre o noso alumnado e promocionar a cultura emprendedora, por iso, seguiremos informando de todos aqueles aspectos que vos animen a convertiros en emprendedores e dar o paso cara unha aventura empresarial, poñendo a vosa idea en práctica.

Recordade que contamos cun VIVEIRO DE EMPRESAS que é un local dividido en despachos equipados con moblaxe, sala de reunións, equipamentos informáticos e os servizos precisos para levar as xestións necesarias para a posta en marcha da túa iniciativa emprendedora. No viveiro tamén contarás con asesoramento para o teu proxecto.

Poden acceder os alumnos que teñan un proxecto empresarial a desenvolver en Galicia, sempre que estean matriculados no derradeiro curso dun ciclo formativo de formación profesional, os que o remataran nos catro últimos anos, e tamén os que estean a estudar bacharelato.

O procedemento de acceso consiste en:

  • Entrevista incial co titor do viveiro

  • Elaboración do plan de empresa

  • Se o proxecto se valora como viable, asinarase o Contrato de cesión de espazo no viveiro de empresas do CIFP, para usar de forma gratuíta as instalacións do viveiro como sede da empresa.

Poderase gozar das instalacións do viveiro por un prazo de 2 anos, prorrogable nalgúns casos ata 3 anos.

Para máis información contactar coa titora do viveiro de empresas, Paula Díaz Carballada

fpinnova1

Máis imaxes do evento

A pasada semana, os días 10,11 e 12 de maio, celebrouse no Gaiás-Cidade da Cultura de Santiago de Compostela por segundo ano "FP INNOVA 2017" e o noso CIFP participou coa miniempresa "OUVISAN, SLS" creada polos alumnos do CS Audioloxía Protésica do réxime ordinario y modular, dentro do Programa Lanzadeiras, da Consellería de Educación e coa participación da Fundación Alcoa

O recinto contaba con dúas partes diferenciadas: por un lado os proxectos de innovación e por outra as 8 miniempresas participantes, o noso stand estaba colocado xusto o principio desta parte, polo que contou con multitude de visitas que facían que tanto os profesores como os alumnos participantes estivésemos case todo o tempo explicando en que consistía a nosa miniempresa e cal era o noso produto: protectores auditivos totalmente personalizados, á medida, adaptados ás características fisiolóxicas dos usuarios e as características do entorno académico ou profesional, para a protección dos ouvidos fronte a contaminación acústica e así poder reducir as consecuencias negativas do ruído e tamén para a protección fronte a auga, por exemplo, na práctica de deportes náuticos, ou para persoas con algún problema nos ouvidos como otite, perforación timpánica, etc. Os alumnos tanto de réxime modular como de ordinario amosaron en todo momento as súas cualidades como futuros Técnicos en Audioloxía Protésica e incluso as súas capacidades comerciais, xa que moitos asistentes tras as súas explicacións preguntaban se lles podían facer uns protectores, polo que xa "OUVISAN SLS" tería clientes.

O público amosouse moi interesado, tanto rapaces da ESO e ciclos de FP, os seus profesores, como as diferentes personalidades asistentes a FP INNOVA. O Conselleiro de Educación D. Román Rodríguez, (que estivo acompañado, entre outras personalidades, polo director xeral de Educación, FP e Innovación educativa, Manuel Corredoira, e pola subdirectora xeral de FP, María Eugenia Pérez) na conversación que mantivo coa Coordinadora de Emprendemento do CIFP e coa profesora de Audioloxía Protésica: Beatriz Fariña, recoñeceu a esta última pola súa participación noutros actos, como o celebrado en Mondoñedo e que contara coa visita da Raíña dona Leticia.

Nestes tres intensos días tamén houbo anécdotas simpáticas como que o noso alumno Marcos Fernández gañou co concurso promovido polo CIFP Compostela, de adiviñar canto pesaba unha mimihamburguesa, ou a participación doutro alumno do noso centro, Breixo Fernández, como axudante do mago que participou no acto de clausura.