SEGURIDADE E MEDIO AMBIENTE
Vixiar e controlar os efectos sobre a saúde dos factores de risco ambiental e alimentario, participar na posta en marcha e no desenvolvemento de sistemas de xestión ambiental e intervir en programas de educación para a saúde pública e comunitaria, baixo a supervisión, de ser o caso, do/a superior responsable, de acordo cos protocolos establecidos, respectando a normativa de referencia, e en condicións de calidade e seguridade.
No ámbito sanitario dentro da área da saúde pública ou privada, en sectores produtivos e potencialmente contaminadores e na administración estatal, autonómica e local en servizos relacionados coa saúde e/ou ambiente. Poden formar parte de equipos de inspección sanitaria, de laboratorios de análises, centros de investigación, centros universitarios, explotacións agrarias e empresas de servizos de control ambiental.
Técnico/a en xestión ambiental, coordinador/a de sistemas de xestión ambiental, programador/a de actividades ambientais, documentalista ambiental, técnico/a de control sanitario (alimentos, augas, atmosfera, residuos…), técnico/a de control de contaminación atmosférica, técnico/a de control de contaminación acústica, técnico/a de control de organismos nocivos, técnico/a en control de pragas no medio urbano e na contorna natural asociada, e comercial de información de produtos biocidas e fitosanitarios.
Módulos de 1º curso |
Horas |
| Control de augas | 319 |
| Control de organismos nocivos | 160 |
| Control de residuos | 107 |
| Educación para a saúde e o ambiente | 107 |
| Formación e orientación laboral | 107 |
| Lingua extranxeira profesional I | 53 |
| Sistemas de xestión ambiental | 107 |
Módulos de 2º curso |
Horas |
| Contaminación ambiental e atmosférica | 140 |
| Control e seguridade alimentaria | 192 |
| Empresa e iniciativa emprendedora | 53 |
| Formación en centros de traballo | 384 |
| Lingua extranxeira profesional II | 53 |
| Proxecto de química e saúde ambiental | 26 |
| Saúde e riscos do medio construído | 105 |
| Unidade de saúde ambiental | 87 |
